AG Sotsjåålpolitiik

[Translate to Friisk:] Die Arbeitsgruppe Soziales tagt sechs bis acht mal im Jahr. (Foto: Dittrich/SSW)

Seets dü de sotsjåål in än weet tohuupe ma oudre SSWer politiische müüle än mätjräigele for en ruchtschäli Schlaswik-Holstiinj ütwikle? Dan bast dü heer jüst rucht.

We dråwe üs 6 bit 8 tunge önjt iir än heewe üs önj da leeste iirnge tubai oudere keere ma da årbedsbetängelse önj e sünhäids- än pläägsektoor, booge wat betålt wårde koone än jü årbe foon båårmudere befootet.

Heest du frouge, idee än foorsliike unti weet dü seelew önj e årbedsfloose maårbe, dann schak en mail tu Bodo Neumann Nee unti teel ham önj 0151 5043 2738. We froie üs deraaw foon de tu hiiren.  

AG Wüsteforum

[Translate to Friisk:] Das Frauenforum ist eine der ältesten und zugleich aktivsten Arbeitsgruppen des SSW. (Foto: Dittrich/SSW)

Dåt wüsteforum önj e SSW befootet ham tubai oudre keere ma frouge am e likstaling än ruchte for wüste. We ruchte räigelmääsi workshops än podjumsdiskusjoon tu aktuäle teme üt. We årbe bai resolutjoone än foorsliike for poltiische mätjräigle, wat we önj e partai unti önj e öfentlik diskusjoon inbränge. Yes we can! 
Wan du forsliike for teeme unti seelew aktiif önjt wüsteforum mamouge weet, froie we üs ouer en email foon de tu Susanne Storch. We malde üs sü gau as möölik bai de.

AG Tuhuupeårben Ouer e Gräns

[Translate to Friisk:] Gemeinsam kann unser deutsch-dänisches Grenzland sich zu einem europäischen Kraftcenter entwickeln. Daran glauben wir, und dafür kämpfen wir im SSW. (Foto: Dittrich)

Dåt tohuupeårben ouerwach e gränse hiirt ål åltens tu e SSW. Dåt norden foon Schlaswik-Holstiinj än di sööden foon Dånsch lade natsjonåål büterwäis. Sü regjoone heewe et ålten swåårer ja kulturäl än wirtschaftlik widere önjttuwikle as dåt säntrum.
Dåt tjüsch-dånsch gränslönj koon ham tu en rucht kreeftecenter önjtwikle, wan we et schåfe, jü gräns tu ouerwine än for üüs iinjse müülje instönje.  Deerönj liiwe we än deerfor wan we strääwe. Jü AG Tuhuupeårben Ouer e Gräns as ingung kiimen, am mädjräigle än initsjatiiwe önjttuwikle, am näre tu üüs müülj tu kaamen.
Wan dü uk idee heest unti seelew lust heest ma derbai tu weese, dan mald de hål ma en email bai Martin Lorenzen. We froie üs ouer enarken, wat for da tohuupe ma üs for da müülje strääwe wal.

AG Kultuurpolitiik

[Translate to Friisk:] Die Kulturförderung ist in der Verfassung verankert und wird doch vielerorts als freiwillige, ehrenamtliche Leistung aufgefasst. Die AG Kultur will das ändern. (Foto: Dittrich/SSW)

Kultuur hiirt tu dåt manschweesen am dertu. Kultuur dreecht dertu bai üs sotjåål maenouder tu ordnen än spalt uk rin in üüs identitäät. Deeram jült for üs: Hum kreatiif weese wal, schal de rüm än da möölikhäide dertu heewe. Dåt schal åltens dåt boowerst müülj foon gou kultuurpolitiik weese.
Jü SSW-årbedsfloose kultuur as ingung kiimen am da roome tu seeten for kultuurårbe. Dertu hiirt for üs soziokultuur än uk dåt wat aw grute spalteele spaalt wård.
Wan dü uk for kultuurårbe brånst, dan moug duch ma bai üs. We froie üs our enarken wat lust heet. Schak infoch en mail tu Sybilla Lena Nitsch, we malde üs dann sü gau as möölik bai de.

AG Awråål, ökologii än kliimaschööl

[Translate to Friisk:] Aktiv gegen Fracking in Schleswig-Holstein: Flemming Meyer, Christian Dirschauer und Peter Knöfler.

Awråål än dåt schöölen foont kliima hiire tu da kjarnapgoove foone SSW. We san ål iinj atoomkraftwärke aw e stroote gingen, as et nuch ai iinjsen da gräine as partai jeewen heet. We strääwe sunt maning iirnge for dåt bewååren foon e schlai, seete üs iinj fracking än CCS in, for bliwende börebedrife än riin wååder, wat öfentlik ferwåltet wård.
Jü AG Awråål, ökologii än kliimaschööl as ingung kiimen am naie, beedere liisinge önjtuwikle, hü we üs laawen anere koone, derma et gödj for e amwråål as. Wan dü forsliike heest unti seelew lust heest bai üs matumouge, dan schak en mail tu Peter Knöfler. We malde üs sü gau as möölik bai de.

AG Modärne Woolkåmpformaate

[Translate to Friisk:] Lars Harms beim Video-Dreh für den Landtagswahl-Spot 2017. (Foto: Dittrich/SSW)

Bai woolkåmpe gungt et forålem deeram for sin politiische idee tu wiirwe. Bane foone bluts hu waage gungt et deeram åles wat hum poltiisch schååfed heet, müülje än da kandidoote fortustale. Dåt müülj as dåt da wäälere jare krüs bai e kiisensandi bai e SSW mouge. Di diräkte woolkåmp as derbai jüst sü wiichti as goue plakoote, video-spots än goue boose aw da sotjååle meedie.
Jü årbedfloose "Modärne Woolkåmpformaate" heet dåt müülj naie elemänte önjtuwikle, wat smååg aw politiik än e SSW mouge. Dåt as nü tu däis spånend. Wan dü uk idee for en gouen woolkåmp heest unti seelew lust heest bai üüsen årbedsfloose matumouge, dan schak en mail tu Christopher Andresen. We malde üs sü gau as möölik bai de.

AG Üüljenparlamänt

[Translate to Friisk:] Wilma Nissen ist nicht nur eine der treuesten Wahlkämpferinnen des SSW Flensburg. Sie brennt auch für Seniorenpolitik und ist seit Jahren im Altenparlament des Landtags aktiv. (Foto: Dittrich/SSW)

Iinj tooch önjt iir tagen kaame üülje manschne üt gåns Schlaswik-Holstiinj for ån däi önj e loondäi önj Kil tohuupe. Da schnåke ouer politiische teme än formuliire fordringe for e loondäi. Hu foon da üülje mansche kaame üt e dånsche manerhäid. Önj jü årbedsfloose Üüljenparlamänt wårde teme tustalt än ütwjardiet, am SSW-önjdråche aw e wäi tu bränge.
Heest dü idee än forslike for jü politiik for da üülje unti heest dü seelw lust diilj foon üüsen årbedsfloose tu wården, dan mald de hål ma en mail bai Martin Lorenzen. We malde üs dan bai de.

AG Frasche önj e SSW

[Translate to Friisk:] Der Vorsitzende der SSW-Landtagsgruppe, Lars Harms, zu Besuch beim Frasche Rädj (Friesenrat) in Bredstedt.

Di SSW as ai bluts jü partai for jü dånsche manerhäid, urs uk foon da natsjonoole frasche. Dåt as ål foon önjfång önj sü ween, dan di SSW as 1948 foon tweer frasche än twer dånsche grünläid wörden. Jü årbedsfloose Frasche önj e SSW as önjtstiinjen, am frasche teme än inträse önj e SSW forambränge, önjdråche än initsjatiiwe önjtuwikle. Deertu hiirst sprääke- än kultuurpolitiik, dåt fraschgesäts än toorpsschilde önj tu sprääke önj Nordfraschlönj.
Wan dü uk idee for jü årbedsfloose heest unti seelew lust heest bai üs matumouge, dan schak en mail tu Lars Harms. We malde üs sü gau as möölik bai de.