HARTLIK WÄLJKIIMEN AW ÜS SID

As partai foon da frasche än jü dånsche manerhäid orientiire we üs eefter politiische liisinge foon da lönje önjt norden. Aw di wise koone we ma naie än wichtiie idee tu jü politiik aw Deät Lunn baidreege. Aw daheere side koost dü mör deroer tu wasen fün, hum we san, wat üs önjdraft än wat we ingung seete.

Di SSW iip Lunn

Di Söödschlaswiksche Wäälerferbånd (SSW) as jü politiisch fertreesing foon da frasche än jü dånsche manerhäid önj e loonsdiijl önj Slaswik än iip Deät Lunn.

We san en regjonåål partai: We kiike deram forålem aw jü önjtwikling önjt norden foon Slaswik-Holstiinj än iip Deät Lunn.

Jü politiik foon e SSW ruchtet ham eefter sotsiaale wjarde än ai eefter ideologii. We san ai oufhängi foon da politiische blooke än we san fri foon måchtpolitiische inträse önj Berlin. SSW-politiik dråwet såchlike önjtschiisinge for da hiisie.

Sotsiaale sääkerhäid, schangseniinjshäid for bjarne än jöögedlike, kulturäl brökedhäid än feroontuurding for üs amwråål ouername san da müülje än wjarde eefter wat we üs ruchte.

As partai foon da frasche än jü dånsche manerhäid orientiirt ham di SSW eefter poltiische liisinge üt da lönje önt norden. Aw di wise wan we jü politiik Deät Lunn nai geestdraft dün.