Jü jööged önj e SSW, kort SSWUngdom, as jü jöödöifdilling foon e Söödschlaswiksche Wäälerferbånd. Suner en fåst ideologii tu füljen, stönje we tü üüs moto: "For frihed, lighed og for sjov" (For frihäid, likhäid än spoos). 

Jü jööged önj e SSW, strääwet jüst sü as e mamenspartei, SSW, for da inträse foon da frasche än jü dånsche manerhäid önj Slaswik-Holstiinj.
SSWU as forålem der aktiif, weer da manschne frasch unti dånsch schnåke, dåt håt fort måst önjt noorden foon Slaswik-Holstiinj.

Da lasmoote foon e jööged önj e SSW kame fort måst foont dånsch gymnasium önj Flansborj, Duborg Skolen. Sunt et uk en dånsch gymnasium önj Schlaswik jeeft, A.P.Møller-Skolen, heet jü jööged önj e SSW nuch en tohüs fünen.

Di formoon/forwüset, punghüler än uk da infoche lasmoot kame ofting foon da dånsche schoule. Derdöör heewe we ofting di siliwie äädergrün än san aw uugenhuchte.

We san as jöögedpartai ai sü grut, deram kåne we üs åltumåle. Wan we üs dråwe as jü stimung wanlik än frünschaplik. We fersäke üüsen kiming döör üs polititiisch engagement üttuwiden.

Üüs årben bestunt fort måst derüt: naie lasmoote tu wiirwen, woolkåmpe tu stipen än uk inhüli üs ma teme ütenouderseete än tu positjoniire bai lokååle manerhäideteeme än poltiik önj Europa än jü gånse wråål. We seete üs derfoor ålten tohuupe, derma enarken jü möölikhäid heet sin hüling än idee tu beschnåken.

We heewe en politiik, wat foon deele eefter boome gungt. Dåt håt, dåt üüse idee önj e basis tustånde kaame, ütformuliirt wörde än dan jü mamenspartai forstalt wårde. We hüülje üs derma tü üüs moto ouerdåt enarken jü möölikhäid heet ham intubränge.

Jü jööged önj e SSW as jü jöögedpartai foon e Söödschlaswiksche Wäälerferbånd.
We stönje ääder e SSW än diile ofting miininge, hüüljinge än önjsicht ma e mamenspartai. We siie üs ouers uk önj e placht e politiik foon SSW foon en jung perspektiif üt nai tu defiinire.
Da lasmoote önj e SSW jööged san gliktidi uk lasmoot foon en manerhäid.

Dåt as uk di grün deerfor, dåt we for frihäid än äinbestiming strääwe. Jü historiie heet ooftingenooch wiset, hü schwor et weese koon sin äine idee wäärtumååge, wan jü silschap ferseecht dåt tu unerbine.
We san gliktidi deerfoon ouertjööged, dåt hum ai fri weese koon, wan hum ai jü möölikhäid heet en laawen eefter da äine wansche tu fäären.

Deeram strääwe we deerfoor, dåt da starke schulere önj üüsen silschap möör dreege schan, am deerfoor tu sörie, dåt we en welfärsilschap önj Schlaswik-Holstiing eefter dåt forbil önj Skandinoowien amseete koone.
Önj e jööged foon e SSW leede we wjard aw üüsen hiimstoun än jü regjoon, forålem dåt schöölen foon e natöör.

We froie üs deeram, dåt lönj än di bund jam aktiif for en silschap inseete, wat gödj for e amwråål än fri foon CO2 as.
We san junge manschne, deeram san we deeriinj dåt liinsinge, wat ål diling nüsi san, apschööwen wårde. We san da, wat önj leeste iinje ma kumer as atomouffål än dåt schül foon e stoot amgunge schan.  

We fine ai, dåt önj da ståndpunkte en mötjseeting lait, ouerdåt we üs eefter üüse ouertjööginge hundle.
We fersäke jü wråål sü tu siin as jü as än ha ma üüs politiik en lait beeder tu mougen.