Tuläid önj Leek, afkoot önj Flanborj, wus de jarste ferträäser foon e manerhäid önj e loondäi önj Kil. He as foon e britische beseetingsmåcht benååmt wörden än he dåt mandoot foon e 11. gjarsmoune bit tu e 11. mistmoune 1946.
Sekretäär bai e bundesboon önj Slaswik. Clausen wus bürgermäister önj Slaswik (1945-48), loondäismoon (1946-50) än bundesdäimoon (1949-53).
As loonsformoon foon e SSW foon 1950 bit 1956 heet he di manerhäidepoliitische wäng önj e SSW feriint än deerfor söriet, dåt di SSW as manerhäidepartai tu etabliire. Hermann Clausen heet for ålem for dåt rucht for kulturäl äinbestiming strääwet.
Tuläid önj Charlottenborj önj Berlin, wus diilj foon e üülj dåånsche odelsfamilii Reventlow, wat baitiden ålten wider da huchste åmte foon e dånsche stoot än ferwålting beeset heewe.
Bürgermäister önj Luksborj foon 1946 bit -48. As he 1946 önj e loondäi kiiset wörden as, wus he dåt jungst lasmoot önj et parlamänt än as ofting for sin ääm hood än bleeshäid loowet wörden. Reventlow-Criminil bliif önj Kil bit 1950.
Bai e loondäiswool 1950 heet he ham ai möör apstale leed. 1953 fleetet he eefter Canada.
Köm üt Lonham än wus eefter e krich for kort tid loonrädj önj e kris Söödtuner.
Foon 1946 bit 1947 wus Oldsen lasmoot foon frasch-dånsche loondäisfraksjoon.
Johannes Oldsen he önj e Weimarer Republiik en fäärend rul bai da nasjonååle frasche (diling: Friisk Foriining). Da nasjonååle frasche strääweten derfoor dåt da frasche as äin följk än derma as nasjonåål manerhäid önjerkånt wårde. Di tjüsche stoot heet ferseecht dåt tu bekeempe. Oldsen seet ham ål eeder for da frasche inträse önj Nordfraschönj in än wus uk aktiif önj e komunåålpolitiik. 1933 seet Oldsen ham as iinjsisten krisdäismoon tu strööws ma e "Gleichschaltung" dör da nasjonåålsosjååliste. Eefter e krich heet Johannes Oldsen e SSW ma grünläid.
Tohuupe ma Samuel Münchow di fäärende ferträäser foont dånsche årbesföljk önj Flansborj. 1946 heet he jü sosjååldemokratiisch partai Flansborj (SPF) ma grünläid än sätj önj jare rädjsfraksjoon. 1954 schafted hi tu e SSW-rädjsfraksjoon.
Olson köm 1946 for e SPD önj e loondäi än schafted 1947 tu e SSW, for wat hi bit 1954 loondäismoon as. Dereefter wård hi sekretäär foon e kontaktütschus bai e bundesregiiring for sååge foon e dånsche manerhäid.
Smasmäister än komunåålpolitiiker önj Flansborj.
Loonsformoon foon e SSW-fraksjoon önj e loondäi 1946-54 än 1958-62.
Münchow heet suner kompromise for en riin dånsch manerhäidepolitiik strääwet än föng stipe foont årbesföljk önj Flansborj.
As önj Lonham tuläid än wus sunt 1946 laiter foon e krisspåårkas önj Leek. Bahnsen wus for e SSW önj e gemiinderädj.
Di frasche Berthold Bahnsen wus for da tjüsche as saldoot önj Norge än köm sü önj kontakt ma da lönje önjt norden.
As loondäismoon foon 1947 bit 1954 än foon 1958 bit tu san düüs 1971 heet hi ham for ålem ma giiljsååge än e wirtschaft foon e loonsdilj Slaswik befooted.
Di böre ouernaamt 1926 en börestäät önj Haurup söödweestlik foon Flansborj.
Eefter 1945 wård Mahler bürgermäister önj Haurup än åmtsmoon. Foon 1947 bit 1950 as Mahler for e dånsche manerhäid önj e loondäi.
Hi wus böre önj Popenbel aw Ääderstää wer hi tuläid wörd än hi he en fäärend rul bait strääwen for e frasche sååge. Di saan foon e loonrädjes Nikolai Reeder wus forstönjer bai e kris foon da böre aw Ääderstää, krisrädj än krismäister bait jååge. Reeder wus en strider for e frasche frihäid.
Reeder wus foon 1950 bit tu san düüs loondäismoon for e SSW.
Waldemar Reeder heet ham for e frasche-dåånsch hiimstoun inseed än heet ham iinj aks sliik foon zentråålismus tu strööws seet: Da söödslaswiker schönj wider foon Kil nuch Kuupenhuuwen befääle fün. 1948 heet hi dååt Nordfriisk Instituut ma grünläid.
Kamt üt e geegend foon Haderslev. Hi wus injenöör än bedrifslaiter bai da stääswärke önj Slaswik.
Andersen as bai e loondsäiswool 1950 loondäismoon wörden, ouerdåt Wilhelm Reeder önj e beeridmoune 1950 snuublik störwen as.
Tuläid önj Erlev bai Hadeslev. Hi wus diräkter foon en kiino önj Äkernföörde.
Callø wus formoon foon e SSW-fraksjoon önj e stää än wus 1954 for kort tid loondäismoon.
Schöljmäister än bleesemoon. Loonsformoon foon e SSW 1960-1975.
Karl Otto Meyer heet önj sin tid as loondäismoon foon 1971 bit 1996 jü SSW-politiik foon diling ordi prääged. Hi heet ham ai bluts ma manerhäide sååge befooted, urs wus loonspolitiisch briidj apstalt. Derbai kömen da manerhäide uler tu kort: Bai e manerhäidepolitiik foon Meyer as ordi wat rütkiimen.
Hi wus schöljmäister än formoon foon e SSW-krisdäisfraksjoon önj Hüsem. Gerckens as 1996 as tweeden moon önj e loondäi kiiset wörden. Eefter kort tid as hi bai en ferkiirsünfål tu mätje kiimen än kö deram ai mör årbe.
Jü wus afkoot önj Flansborj. Jü üülj forwüset foon e SSW-rädjsfraksjoon önj Flansborj he as loondäiswüset önjerkåning föngen, ouerdåt jü ha besuners ma baner- än sosjåålpolitiik ütkånt heed.
Hinrichsen as 2000 as treed SSW-loondäiswüset kiiset wörden, schölt di loondäi urs eefter maner stime bai e loondäiswool 2005 ferlätje.
Bit 2009 wus jü lasmoot foon e loonsstjör foon e SSW. Bai e loondäiswool 2009 as jü wider as loondäiswüset kiiset wörden, weer jü bit 2012 stääferträäsend fraksjoonsforwüset än as lasmoot foon e baner- än ruchtsütschüs wus.
Di 8. uursmoune 2012 as Silke Hinrichsen aw grün foon en slam krunkhäid störwen.
tuläid 1947 önj Bustoorp bai Schlaswik.
1966 abituur, Duborg-schölj Flansborj
1967 - 1976
studium historii än tjüsch önj Kuupenhuuwen
Cand. Mag. oufslüt 1976
Liiråmtreferendarioot 1977, dereefter schöjlmäister än studienrädj, Duborg-schölj Flansborj
1987-1991
Stääferträäsend forwüset foon e loonsschöljmäisterrädj foon e dånsche schöljferiin for Söödschlaswik
1985-2009
Lasmoot foon e SSW krisstjör Flansborj
1992-2012
Forwüset foon e SSW Harrislee
2009-2012
Lasmoot foon e SSW krisstjör Schlaswik-Flansborj
1996-2017
Lasmoot foon e SSW loonsferbånd
1990 - 1996
Krisdäislasmoot Schlaswik-Flansborj
1996-2012
Lasmoot foon e loondäi önj Schlaswik-Holstiinj. Forwüset foon e SSW loondäisfloose
1996 - 2012
Lasmoot foon unlike ütschuse än årbedsfloose:
Lasmoot foon e kultuurütschus, europaütschus, baner- än ruchtsütschus, rädj foon da ålste än oudre
2012-2017
Ministerin for justits, kultuur än europa önj Schlaswik-Holstiinj
Oudre kääre:
- Stjörlasmoot Rønshoved Højskole 1998-2018
- Stjörlasmoot CVU Sønderjylland 2002-07, foon University College Syd 2008-10, foon UC Syd sunt 2010 (fåchhuuchschölj)
- Stjörlasmoot European Free Alliance (EFA) Bruxelles sunt 2017
- Stjörlasmoot industriimuseum Kupfermühle sunt 2006
- Forwüset foon e feriin ”Foreningen Norden Sydslesvig” sunt 2017
- ”Ritterin des Dannebrog-Ordens” 2008